I går sjøsette eg kajakken for første gong i år. Padla ein "forsiktig" tur ut Stongfjorden til Størdal og tilbake i eit ver som veksla mellom snøbyer og sol. Bilda er tekne med eit dårleg mobilkamera så kvaliteten er ikkje den beste.

Padletur19.03-08

Skylefjellet 10 og 14.02

Siste dagane har vi endeleg hatt litt godver, så vi har fått sett sola igjen. Dagane blir lysare og lengre, våren er i emning. Med sola som blenkjer i bakkane er det freistande og ta turen til fjells. Det er vi fleire som tykkjer,- her er nokre bilder frå søndag og i dag (torsdag )

I dag var det storm frå vest og sjøen kom tung og grov rett inn fjorden. Var ein tur ned på kaia for å sjå etter, og der sto sjøen nesten jamhøgt med kaikanten. Bilda er tatt omtrent ein time før full flo. Store bårer slo langt innover kaia og vegen og gjorde ein god del skade. Her blir det arbeid å ta fatt i før turistsesongen.

Stormflo 25.01-2008

Fjelltur 12.01-08

Ein flott dag på fjellet i dag, blikkande stillt og sol. Og mange kjekke folk å treffe ikkje minst.

A nice day in the mountains today, a low winter-sun and no wind. And not to forget- many nice people to meet.

Ein kald og vindfull tur på Skylefjellet i går. Det var ikkje mange som tok turen, men Dag Tore og Gisle hadde vore der før meg. I dag var forholda betre så eg treffte 8 andre poeng-samlarar. Kjekt at så mange finn vegen til fjells.

Stavfjorden-Smelværet 31.12-2007

Bilder tatt med dårleg mobilkamera frå ein padletur Roy Ove og eg hadde frå Staveneset ut til Smelværet den 31.12-2007.

Skylefjellet 02.12

Tok kamera med meg på Skylefjellet i dag(02,12), motiva er dei same som mange ganger før, men forandrar seg stadig etter årstider og lysforhold. I dag var det stillt og fint,- ikkje som forrige søndag i kuling og snøbyer. Treffte Torgunn som den einaste i dag, forrige søndag i ruskeveret var vi sju stykker på Skylefjellet