Flekkefjorden.

I dag padla Nina og eg frå Eikenes, over Dalsfjorden og inn Flekkefjorden, ein smal og idyllisk fjord som kanskje er flottast å padle ein sommardag, men det var flott i dag og.

 Nina x 2

Omtrent halvegs inn fjorden ligg bygda Haugland med Hauglandsenteret og United World College. Ein liten by i bygda med flotte bygningar i vakre omgivnader.

Frå Hauglandsenteret.

God byggeskikk.

UWC.

Lenger inne i fjorden ligg denne perla.

Og heilt innerst i fjorden traff vi Per.

Per tykte det var gale at vi ikkje hadde råd til motor. Han bur her innerst i fjorden, og der er fjorden freda.....då er vel Per det òg vil eg tru.

Mat, kaffi og sjølvportrett.

Vi var svoltne etter kvart så vi var i land og åt litt før vi padla ut att fjorden. Fekk ei lita regnbyge på oss då vi var på land, men fann ly for den under eit halvtak.

På veg ut att.

Fleire UWC- bygningar.

Hauglandsenteret igjen. 

Ytterst i fjorden ligg  Jensbua der dei  mellom anna restaurerer gamle båtar.

Leitet, idyll ytterst i Flekkefjorden.

Leitet.

Mot Rivedal.

Over på nordsida av dalsfjorden att - Ripeneset.

Idyll på Ripeneset.

 Dagens tur - kart frå Statens kartverk og GisLink.

Flott tur på 17,5 km

Sol(o)tur

I dag var det knallvêr til ein forandring, så etter å ha unnagjort ein nødvendig tur til Førde, og ein til Olsetvikane for å kvitte meg med litt skrot, pakka eg skipssekken, monterte båten på bilen og køyrde rett i Staveneset. Flott ettermiddagssol, nesten vindstille og fem-seks plussgrader ønskte meg velkommen. Nattefrosten hadde lagt att eit tynt islag innerst i Stavenesvågen, så Vallyen måtte gjere tjeneste som isbrytar dei første 50-60 meterane. Det greidde den sjølvsagt heilt flott, og vel ute i ope farvatn bar det rett vestover.

Stor fjære

On the rocks..

Ein speidar var det første som møtte meg då eg nærma meg Smelværet. Ein skarv i lav høgde og i store sirklar rundt meg. Eg har lagt merke til det fleire gonger;  når eg nærmar meg ein skarveflokk kretsar det eit, av og til to individ rundt meg nokre rundar, som om dei vil sjekke ut kva dette er for noko. Eg såg etter flokken og oppdaga den på ein holme nokre hundre meter unna.
Det var mykje fugl å sjå, og sør i Smelværet sat eit ørnepar på eit skjær. Eg prøvde å snike meg innpå for å ta bilder, men ørna var ikkje interessert i nærkontakt i dag heller.

Tviberg og Alden i vårsol.

Ørn på vakt.

Fastbuande på Heggøyna.

I Heggøyna vart eg møtt av ein flokk firbeinte som var atskilleg meir interessert i kontakt. Dei trudde kanskje eg hadde mat med, noko eg for så vidt hadde, men den ville eg ha for meg sjølv.
Eg rusla litt rundt i vårsola, den varma faktisk godt, før eg sette meg i kajakken att. Planen var å padle gjennom Vaulen over til austsida av øya, men der var det ikkje sjø nok i dag, ikkje eingong til ein kajakk.

Ikkje lett å padle her.

Blått hav og Staveneset.

Eg snudde båten og sette kursen heimover. Inne i Stavenesvågen hadde sola vunne over isen, eller vår over vinter om du vil, så eg kom meg i land utan hindringar.

Fin tur på ca. 15,5 km, første vårturen i år !

Det med skarvespeidarar er det fleire som har lagt merke til ! Eg googla "skarv speider",  og kven andre enn Padlemia, ein blogg eg følger og som du finn link til her på sida, dukka opp blandt søkeresultata.
HER finn du den historia. 

Padling med litt av kvart.

Det har vore mykje jobb og lite padling dei siste vekene, men eg kom heim tirsdag til tre veker fri, og i dag vart det endeleg tid og vêrforhold til ein tur. Vind og regn/snø i føremiddag, men det betra seg ut på dagen. Nina vart med, og vi padla frå Staveneset i totida i ettermiddag.
Litt vind og grov sjø frå nordvest møtte oss i det vi runda Staveneslykta, og vi padla rett imot utover mot Ryggene. Her er det grunnt, og sjøen var ganske grov og rotete der det ikkje braut. Vi sette først kursen mot Kråka, men ombesemte oss og padla sørvestover i le for Smelværet, der sjøen vart mykje rolegare.

Med kurs for Heggøyna.

Sola gløtte fram innimellom og vi småprata og padla i roleg tempo over mot Heggøyna. Her vart det rast, litt mat, varm sjokoladedrikk a la "rett i koppen" - eller var det kroppen ? - frå Toro, og litt sjokolade med frukt og nøtter frå Freia. (Nam)
Godt med energipåfyll før siste etappe tilbake til Staveneset via Melsholmen.

 Rast på Heggøyna

Ved Melsholmen

Frisk tur, litt utfordringar i bølgjene, litt sol, litt vinter, litt vår, litt sur byge inn att mot Staveneset, godt selskap, god trim, alt i alt ei flott naturoppleving !
Ca 11 km.

Sur tur.

Eg køyrde i Staveneset i håp om å komme meg til havs i dag, men vind og litt grov sjø, pluss at eg ikkje hadde sjekka yr.no før eg køyrde heimanfrå, fekk meg til å ombestemme meg. I staden for å padle vestover, vende eg nasen mot aust og padla inn att fjorden.

Stille nok inne på vågen i Staveneset.

Stavenesvågen har også si historie, kanskje skal eg skrive litt om den, men ikkje i dag.

Frå Staveneset mot Follevåg og Størdal.

Det vart mykje sur motvind over mot Folvågneset, og sidevind vidare innover fjorden. At temperaturen så vidt var over null, gjorde det ikkje noko vidare kjekt å vere på sjøen i dag. Det vart ein kort tur på land på Folvågneset, kaldt på fingrar og tær og ikkje råd å finne ly nokon stad, så det var berre å komme seg i båten att å sette kursen mot kaia heime.

Ved Folvågneset.

Mot vest.

Frå Folvågneset mot Årskogen og Underset.

Båt og mannskap vel heime, men bilen sto att i Staveneset, så då var det berre å kle seg i ny drakt, finne sykkelen og hente bilen heim òg. Så i dag vart det 12 km. padling og ca. 10 km. sykling . Det er vel det dei kallar kombinert i sportsverda.

Dagens tur, ca 12 km.

Sunnfjords perle !

Søndag hadde Nina og eg Flokeneskaia som utgangspunkt for padleturen.Vi møttest som avtalt klokka 11, og litt etter var vi på veg ut Flokenesvågen i pluss 4 grader, gråvêr med litevetta regn og omtrent null sekundmeter vind. Fine padleforhold, men ikkje akkurat det yr.no hadde lova eit lite døgn i førevegen. Men pytt pytt, litt småregn gjer ingen ting når ein likevel held seg så nær det våte element.

Frå Flokeneskaia mot vest, Svanøy lengst vekke midt i bildet.

Klar til å gå ombord.

Målet i dag var Svanøy, Sunnfjords perle, og vi sette kursen dit. Svanøy ligg i utløpet av Førdefjorden, har Stavfjorden på sørsida og Brufjorden på nordsida og høyrer til Flora kommune. Ei skogkledd og idyllisk øy med ei mengd mindre øyar, holmar og sund som utgjer eit fantastisk padleterreng.

Mellom Austneset og Langøya

frå Austnesvågen.

Svartestilla

Mat og kaffi ved butikken i Svanøybukt

Vi gjekk på land i Svanøybukt og lånte oss eit bord ved butikken der vi åt nista. Litt fotarbeid gjer også godt etter ei økt i kajakken, så vi rusla ein tur oppover til Svanøy Hovedgård.

Svanøy Hovedgard.

Kyrkjegarden med steinkrossen.

Frå Svanøy Hovedgard


Øya har ei rik historie, og har spor etter busetnad som kan daterast 4000 år tilbake i tid.
Eirik Blodøks, ein av kongane i vikingtida, var truleg fødd på Svanøy og oppfostra på garden Erikstad.
På kyrkjegarden står ein steinkross med runeskrift som vitnar om Olav den Heilage si kristningsferd om lag på same tid.
Her har også m.a vore gruvedrift etter koparkis, saltkokeri og klebersteinsbrot.
Øya lever ikkje berre på gamal historie, i dag er her mange bedrifter; havbruksanlegg, røykeri, båtbyggeri, jordbruk, hjortesenter og fleire andre.
Men i dag virka det ganske stille på øya. Søndag og VM på ski er vel noko av forklaringa, og ellers er det vel ikkje akkurat sesong for yrande folke- og båtliv. Sikkert noko heilt anna ein sommardag i ferien.

 Svanøybukt.

Tilbaketuren la vi om Flokeneslykta, og vi var tilbake på Flokenes kai om lag 4,5 time etter at vi starta.

 Flokeneslykta.

 Padleruta, ca 17 km.

Fin tur i dag, og Svanøy er eit flott mål for padleturar med utgangspunkt frå Flokenes, men også Stavestranda eller Grimelida er gode utgangspunkt. Ein tur Svanøy rundt er eit av sommarens ekspedisjonsmål.
Fleire bilder HER

Til fjells i dag.

I dag lot eg kajakken henge og tok meg ein tur til fjells. Vi har fått sola tilbake og den fekk verkeleg vise seg i dag. Skyfri himmel og vindstille gjorde sitt til at den varma litt òg, så eg vart fort varm i trøya oppover bakkane.
Oppe ved Svartevatnet vart eg innhenta av Karen som også ville ha litt fjelluft å puste i.

Svartevatnet

Karen vurderer forholda :-)

Karen gjekk vidare nordover mot Skylefjellet, medan eg tok turen innover fjellet mot Yndestadhøgeheia. Det var lite snø på ryggane oppover, så det var lett og fint å gå.

Frå Yndestadhøgeheia nordover mot Skylefjellet, bakom skimtar vi Florø.

Utsikt vestover Stavenesodden.

Hytta til Lasse ser ut til å ha klart seg gjennom vinteren.

Lite snø og godt synlege vardar utover.

Snøfritt på heimebøane.

Eg svinga nedom hytta til Lasse før det bar heimover att. Fin tur i eit nydeleg og stille vintervêr.
Fleire bilder HER.