Ein pust i bakken etter ein lang og krevande middag .

Kveld i Platanias.

Jau då . . :-)

. . ei Mythos i skuggen

Padletur Staveneset - Tviberg - Askvoll 18.08-09

Det tegna til å bli ein fin dag denne tirsdagen, så eg pakka "skipssekken", køyrde i Staveneset og sjøsette kajakken. Padla derifrå ca. 10.15 sørover forbi austsida av Heggøyna, vidare nord og vest om Hindøya og til Tviberg der eg gjekk i land i Staurvika. Der rasta eg ein god time, inntok niste og kaffi og rusla litt rundt. Derifrå padla eg vidare innover på sørsida av Atløy, gjennom Sauesundet og til Askvoll. Gjekk i land på Øyra i Askvoll litt over kl. 16 så eg brukte knappe 6 timar på turen som er ca. 25 km. Fleire bilder frå turen finn du her

Strandhogg i Heggøyna..

.. med Roy Ove , Mona og Anders

Heim att..

Dagen starta med gråver aust om fjella i dag, og ein telefon til Sognefjellshytta bekrefta mistanken om dårleg ver i fjellet òg, lavt skydekke og regn kunne dei fortelle der ifrå. Ein tur innom yr.no ga ikkje noko vidare håp om bedring heller, faktisk fann vi ut at beste veret for dei neste par dagane var heime, så det vart til at vi vende nasen heimover. Over Strynefjellet i god driv, ein matpause og litt shopping i fagre Stryn og vidare heim.
No sit eg i godstolen og tenkjer at Fanaråken og dei andre fjella i Jotunheimen ligg der seinare òg....

Utsikt frå Fuglesteg

mot Skjolden og Lustrafjorden.

Vi kom oss til Fuglesteg i dag. Vi vakna til ein flott morgon på Nymoen Leirplass i Skjolden, og etter frukost og utsjekk køyrde vi den korte turen opp til Fortun. Derifrå må ein ta beina fatt for å komme opp til den gamle fjellgarden. Det er ikkje nokon krevjande tur, vi brukte ein time og ti minuttar i eit nokså roleg tempo, først på traktorveg og siste stykket på ein bratt men god sti.
På Fuglesteg vart vi vel imottekne, vi treffte nokre nordfjordingar som var på veg ned att etter å ha overnatta, men ellers var vi dei første gjestane denne dagen. Vi kjøpte oss kaffi og hellekaker som vi inntok ute på "vollen" med ei flott utsikt ned att mot Lustrafjorden. Etter kvart kom det fleire oppover bakkane, så vertinna på Fuglesteg fekk avsetnad på hellekakene sine i dag og. Ned att gjekk det kjapt, vi brukte 40 minuttar før vi var tilbake ved bilen og sette kursen mot toppen av Sognefjellet. Vi hadde tenkt å overnatte på Sognefjellshytta og kanskje prøve oss på Fanaråken i morgon, men vi vart møtt med regn og kulde der oppe i vel 1400 meters høgde, og meldingane for morgondagen er ikkje så mykje betre. Dermed vart det til at vi køyrde vidare til Lom og fekk oss husrom her for natta, så får vi sjå kva morgondagen har å by på....
Bilder frå turen finn du her

Ei god øl etter middag . .

. . i kveldssola ved fjorden i Skjolden

Vi køyrde heimanfrå i føremiddag med indre Sogn som mål for årets ferietur. Der har vi vore før, men denne gongen satsar vi på å komme oss litt meir i høgda. Hadde vel så smått planar om å komme oss til Fuglesteg i dag, men i Gaupne fann vi ut at vi skulle ta turen oppom Jostedalen, - der hadde vi ikkje vore før. Frå Gaupne er det ca. 36 km opp til breen så det er ikkje så lange avstikkaren. Bresenteret er òg verdt eit besøk, mykje historie om istider, brear, liv og lagnad i Jostedalen gjennom tidene for dei som er interessert.
Vidare deifrå bar det vidare innover til Skjolden og lenger kom vi ikkje i dag. Det lei så langt på dag at vi måtte finne oss husrom for natta å få oss middag. Husrom, eller hytte, fann vi på Nymoen camping der vi er no. God middag med godt drikke attåt fekk vi oss på Skjolden Brygge, ei lita perle i fjøresteinane rett nedanfor her.
Frå hytta her har vi utsikt til Fuglesteg, og i morgon får vi satse på å komme oss dit.
Bilder frå turen finn du her.

Padletur 23.06 2009

Det var stilt og fint på Stavfjorden i går. Roy Ove og eg padla frå Staveneset ut til Kråka nord i Smelværet. Inne i fjorden var det skyer og gråver når vi for, men ute i havet kom godveret sigande innover så det var skikkelig sommartemperatur i lufta når vi sette kursen vestover. Nord og vest for Smelveret er det mange grunnar som det bryt på, og enkelte lagar lange fine surfebølger under rette forholda. Roy Ove prøvde å treffe ei god bølge, medan eg prøvde å få gode bilder, men det var litt for stille og langt mellom dei gode bølgene. Men eit par surfar vart det no, og litt bilder vart det og, før vi sette kursen heimover til jonsokfeiring i Stangsfjæra. Der var det mykje folk samla i godveret som no hadde funne vegen inn i fjorden.

På forrige tur til Stord tok eg med meg padleutstyret mitt, og satsa på å få låne meg ein kajakk for å utforskre skjærgården vest for Fitjar. Kajakk fekk eg låne, og turfølge fekk eg òg. Ole Andreas er padleentusiast og godt kjent i dette fantastiske padleterrenget. Vi fekk oss ein flott tur rundt øyar og holmar som er mykje nytta til hytte og friluftsliv.
Bilder frå turen finn du her.

Søndagsfri og sykkeltur. .

...til Brandasund nord på Bømlo

På 12-9 rotasjon har vi fri søndagen midt i turen. Den kan bli lang og kjedeleg dersom ein ikkje finn på noko å ta seg til. Stord og naboøyane har flott natur å tilby både til fjellturar, sykkelturar og kajakkturar. I dag vart det sykkeltur til Brandasund som ligg nord i nabokommunen Bømlo. Ein flott tur, - først over bruene i trekantsambandet over til Bømlo og vidare nordover til øyar og holmar som er samanbundne med bruer heilt nord til Brandasund, då kjem du ikkje lenger landevegen. Dit er det ca. 43 km frå Leirvik. Eg tok meg god tid i fineveret, hadde med meg niste som eg inntok i Brandasundet, med kaffi attåt som eg kjøpte på søndagsopen butikk der. Søndagsopen butikk var det rett over sundet og, - på Skjeret. Eg fekk òg gå inn i gamlebutikken som "Nillo på Skjeret" dreiv i 70 år og som var viden kjend. No er det sonen hennar som driv ny landhandel rett attmed - ikkje noko Rema 1000 der i gården, men ein god gammaldags butikk med rikt utval. Kjekt å finne i våre dagar.
Bilder frå turen finn du her.

Padletur til Smelværet 14.05-09

Påsketur langfredag

I dag var det gråvèr og vi fann ut at det kunne passe med ein tur til Liavika frå Vågen. Men i Liavika fekk vi lyst til å fortsette vidare til Hollevika, så vi tok ein telefon til Olaug og dermed hadde vi ordna oss skyss tilbake til Vågen der bilen sto. Litt småregn undervegs, men det la ingen dempar på turen. Vi hadde med niste, kaffi og den obligatoriske tursjokoladen som fekk bein å gå på undervegs. Godt over tre timar brukte vi i roleg tempo uten hastverk. Ein kjekk tur som kan anbefalast, kanskje helst no om våren før myggen blir ei plage. Fleire bilder frå turen finn du her

Kristin og Magni på altanen i vårsola. . .

. .med nysteikt gulrotkake og kaffi

Trappestart . .

. .trinn for trinn .

På padletur i dag.

Strandhogg i Høyvika.

Padletur til Smelværet 14.03.2009 Padla frå Staveneset ut i Smelværet i eit flott vårver i dag. Fann att kolonien med sel der ute som eg og Roy Ove støtte på 3. juledag i fjor. Like nyfikne som sist, men ikkje så lett å komme nær innpå. Fekk nokre bilder likevel.

På Fauskevarden

Med Roy Ove på skitur i dag.

På fjelltur på Stord

Med utsikt sørover og mot trekantsambandet

Tilbake på jobb . .

Idar og Mattias

Frå Høgeheia på Stavenesodden

Utsikt nordover mot Florø og øyane vest om

Skumring

Vinter i Stongfjorden

Padletur 3.juledag 2008

Roy Ove og eg hadde ein fin tur 3.Juledag frå Staveneset og ut i Smelværet. Vi padla nord om Kråka og vidare nord og vest om Sandholmane, og der var sjøen noko grovare enn bilda viser her. Det var vindstille, men dønningane frå havet braut langs med heile nodvestvestsida av øygruppa, Vi kom oss inn i smulare vatn rett sør om Ramsøyna. Der kom vi på ein heil flokk sel på eit skjer, som var snare å komme seg i sjøen når vi nerma oss. Men nyskjerrige som dei er låg dei å kikka på oss når vi passerte, sikkert 8-10 svarte hovud som stakk opp av havflata. Det er grunnt her inne mellom holmane og på vinterstid er sjøen heilt klår, så det er fint å studere sjøbotnen og livet der når vi fer stille gjennom sunda. Som alltid går tida fort på padleturane våre, og sola gjekk ned og det var så smått begynt å mørkne før vi var tilbake i Staveneset. Bilda er tatt med mobilkamera.