I helga herja Berit langs kysten, og å komme seg til havs i kajakk var ikkje å tenkje på. Men søndagen valgte Nina og eg å trasse vind og regn, og tenkte at ein inspeksjonstur på vegannlegget i Dalsfjorden kunne passe. Vi la ut frå Eikenes og padla innover langs land på nordsida av fjorden.
I grunnen ikkje så store synlege endringar innover langs fjorden frå sist vi var her, i februar i år , nokre meter ny veg og eit nytt hol i fjellet inne ved Steiehalsen, der det også var litt aktivitet i dag.
Inne ved Ottersteinen var endringane større, arbeidet med brukara i full gang og to kranar ruvar over husa der inne.
Vi hadde hatt lite vind innover fjorden, men her inne auka vinden kraftig. Vi hadde tenkt oss over til brufeste på andre sida og, men valgte i staden padle rett over til Dale, noko som faktisk var krevande nok i nesten meterhøge bølgjer og kratige vindkast frå sida som ville ha oss over ende.
Men vi kom oss velberga over, og der møtte vi Marita som slo av ein prat og baud på husrom så vi fekk ete nista innandørs. Ikkje ofte vi gjer det på padleturane, og akkurat i dag gjorde det godt.
Turen ut att gjekk i motvind og til dels kraftige vind og regnbyger, så vi brukte lang tid og fekk god trim før vi nådde Eikenes i skyminga.
Frisk tur på 13,5 km
Fleire bilder HER
1 kommentar:
Kjekt å sjå bildene fra turen - sikkert friskt og fasinerende :-)
Legg inn en kommentar