10 mai 2010
Padletur 08.05.2010
Litt vind og bølger frå nordvest møtte oss i Staveneset lørdag ettermiddag,men vi sette kursen rett i mot og padla på austsida av Ryggene og vidare utover, der sjøen vart grovare etter kvart, før vi snudde sørvestover mot Kråka. Der pausa vi litt med den obligatoriske nista og kaffien, før det bar ut i bølgene igjen. Roy Ove først for eg ville ta litt bilder med fast grunn under føtene, men det var vanskeleg å få gode bilder med sterkt motlys og ein fotograf som ikkje har lært seg alle triksa. Vinden hadde friskna på ein del og dreia meir på nord, så eg var litt uroleg med tanke på tilbaketuren. Men det gjekk heilt fint, faktisk hadde vi det ganske moro i godt meterhøge bølger med kvite toppar tilbake mot Staveneset. Flott tur.
09 mai 2010
Fanafjellet 09.05.2010
Vi kom oss litt seint i gang i dag, fruen og eg, så godveret på føremiddagen gjekk vi glipp av. Det hadde skya over då vi la i veg mot Fanafjellet og fjelltrimposten der. Det viste seg at Gisle hadde same mål i dag, så vi slo følgje og det var bra, for utan han hadde det vore vanskeleg å finne boka på Fanafjellet, for den ligg på Nyken. Turen var fin den, sjølv om veiret kunne vore betre.
02 mai 2010
Fin fjelltur med fruen i litt kald nordatrekk og antydning til snøbyer, men der det var livd varma sola godt likevel. I sekken hadde vi niste og kaffi som vi inntok i ein skråning på Yndestadhøgeheia med flott utsikt ut fjorden og langt til havs. Fleire bilder her
25 april 2010
Padletur 25. april frå Staveneset
Frå Vaulen i Staveneset.
I dag gjekk turen frå Staveneset (som vanleg) sørvestover forbi austsida av Heggøyna, over Heggøyosen til Avløypet på nordvestsida av Atløy. Lurte litt på å padle til Herland, det var ikkje lange biten att, men eg tenkte at det var igrunnen langt nok så eg snudde. Tilbaketuren gjekk på nordvestsida av Heggøyna, der eg rasta på ein holme, beglodd av ein selkoloni som låg å duppa - talde 16 dyr som var oppe samtidig, ikkje rart at det er lite fisk inne i fjordane. Rasten vart kort, for vinden friskna så eg tenkte det var best å komme seg over til Staveneset før det vart for gale. Litt skvalpesjø og motvind over til Melsholmen, men derifrå stilna både vind og bølger så det gikk greit.Måtte ta kajakken på skuldra siste biten i dag, Vaulen i Staveneset var turrlagd. Brukte ca 3 timar på turen i dag. Fleire bilder frå turen her.
12 april 2010
Padletur til Blåna 11. april
Ved Blåna vest av Smelværet.
Roy Ove og eg padla frå Staveneset vestover til sørenden av Smelværet og vidare vestover til Blåna. Så langt ut har vi ikkje vore før, og det er ikkje kvar dag veret tillet det heller. Vidare derifrå tilbake til Smelværet der vi var i land og inntok niste, kaffi og sjokolade før vi sette kursen tilbake mot Staveneset. Vi brukte knappe 4 timar på turen som er rundt 17 km.
Fleire bilder frå turen her
Danske æg med omtanke, men ikkje for naturen
- denne pappøskja flaut lett i sjøen mellom Blåna
og Smelværet då vi fann den.
Sikkert kasta over bord av kokken på ein NorLines
containerbåt som passerte i ytre leia rett før vi kom.
05 april 2010
Det vart ein "snartur" på sparket i dag. Padla åleine frå Staveneset ut i Smelværet. Fint men litt grått ver og sørvestleg lett bris. Fin tur.
Fleire bilder her
01 april 2010
![]() |
| Padletur skjærtorsdag 2010 Ein flott padletur i dag frå Staveneset til Heggøyna der vi var i land og rasta på altanen på hytta til Gisle og Liv. Vidare derifrå over til Smelværet og nord til Kråka der vi "lukta" litt på ei bølge før vi sette nasen inn att mot Staveneset. Litt rulletrening i ein iskald Stavenesvåg, vellukka for Roy Ove sin del, før vi gjekk i land. Vi brukte godt tre timar på turen. |
Abonner på:
Innlegg (Atom)
Toreheia 14. februar.
Siste dagen med godvêr på ei stund seier Yr.no, frå i morgon er det synnavind og regn i dagesvis, så eg pakka sekken med litt mat og kle o...
-
Kristin, eldstejenta, har så vidt prøvd seg i kajakk før, og det har gitt meirsmak. Vi har snakka om ein padletur i lag ei stund, og søndag ...
-
Torsdag var det flotte forhold for ein padletur til havs, kaldt, men lite vind og godvêr. Eg padla frå Staveneset utover til Heggøyna, der t...
-
Siste dagen med godvêr på ei stund seier Yr.no, frå i morgon er det synnavind og regn i dagesvis, så eg pakka sekken med litt mat og kle o...
