Så var det klart for Stormsamling i Bulandet igjen! I år som i fjor var det fleire av oss som reiste ut tidleg på fredagen for å få mest muleg ut av helga. Og i år som i fjor var vi ikkje seine med å få kajakkane på sjøen etter å ha innstallert oss på Buatoppen.
Bra vêr på fredagen og vi fekk oss ein fin tur, først litt leik i bølgjene og etterpå ein tur i stillare farvatn.
Lørdagen var litt gråare med litt regn ut på dagen. Kristin var på grunnkurs, medan andre var "turistar" og padla etterkvart ut i 10-12 m/s vind og bølgjer.
På guida tur innaskjærs.
Lunchpause ved butikken, med kaffi og nysteikte vafflar (takk for vafflar Arinbjørn) Etter pausen vart det trening på kameratredning og eigenredning i bølgjer og vind, noko eg trenar altfor sjeldan på, så det var ei nyttig økt.
Lørdagskvelden var det sosialt samvær og god middag i Floren til Liv Turid. 60-70 padleglade frå nær og fjern hadde ein alle tiders kveld.
Søndagen padla vi tur rundt omkring og inntok lunchen ved fyrlykta på Sandøyna
Flott vêr og nesten vindstille, så vi var ein tur på vestsida av Sandøya og keik på brottsjøane. Eg tok mest bilder og andre surfa.
Vi hadde ein knallfin dag på sjøen før vi måtte pakke saman og tenkje på heimvegen.
Flott helg i Bulandet i lag med kjekke folk og gode venner.
Fleire bilder HER
1 kommentar:
Dette ser ut til å ha vore ei alle tiders helg, til og med sola fekk doke sjå.
Legg inn en kommentar